Bæjarhátíðir á Norðurlandi vestra í sumar
Nú er sumarið að ganga í garð og allt sem því fylgir og þar á meðal bæjarhátíðir. Í sumar er fyrirhugað að halda þrjár bæjarhátíðir á Norðurlandi vestra; Hofsós Heim á Hofsósi, Húnavaka á Blönduósi og Eldur í Húnaþingi í Húnaþingi vestra. Feykir hafði samband við skipuleggjendur hátíðanna og kynnti sér þær nánar. 
Hofsós heim
Fyrst í röðinni verður bæjarhátíðin Hofsós heim haldin dagana 25. – 27. júní á Hofsósi. Nefndin er vongóð að halda megi hátíðina í ár en dagskráin verður þó í takt við gildandi sóttvarnarreglur og fjöldatakmarkanir.
„Það má segja að Þórólfur sóttvarnarlæknir sé meðstjórnandi en hann ræður miklu um það hvað verður hægt að bjóða gestum upp á.“ Segir Auður Björk Birgisdóttir, ein af skipuleggjendum hátíðarinnar.
Dagskráin enn í mótun, en fastir liðir eins og söguganga, barnadagskrá og varðeldur verða á sínum stað. Skipuleggjendur hátíðarinnar leggja mikið upp úr því að vera í góðu samstarfi við fyrirtæki, einstaklinga og félagasamtök á Skagafjarðarsvæðinu og hvetja þau hér með aðila að hafa samband ef þeir hafa áhuga á að hafa uppákomu eða viðburði á hátíðinni.
„Við erum viss um að fólk sé komið í mikla þörf fyrir að hittast og eiga saman góða stund eftir skrítna og hálf tilbreytingarlitla mánuði undanfarið. Við hlökkum allavega mikið til að gera okkur dagamun í okkar heimabyggð.“ Segir Auður vongóð.
Húnavaka
Stefnt er að því að halda Húnavöku dagana 15. – 18. júlí í samræmi við þær takmarkanir sem verða á þeim tíma. Það er ekki komin heildarmynd a hátíðina ennþá, en hún mun verða með hefðbundnu sniði eins og vanalega en þó með nýjum viðburðum í bland við gamla. Skipulagningarnefnd Húnavöku stefnir á að vera komin með ágætis drög að hátíðinni í lok þessarar viku. 
Eldur í Húnaþingi
Eldur í Húnaþingi verður haldin í Húnaþingi vestra dagana 19. – 25. júlí og komin er góð heildarmynd á hátíðina. Hátíðinni verður þjófstartað mánudaginn 19. Júlí með tónleikum Svavars Knúts í mjólkurhúsinu á Stóru-Ásgeirsá. Fastir liðir verða á sínum stað eins og Melló músíka á fimmtudeginum þar sem íbúar Húnaþings vestra, núverandi, brottfluttir, aðfluttir og aðrir gestir koma fram og flytja tónlist, krakkazumba, föndur, barnastund, jui jitzu, unglingaball, brekkusöngur, afródans og bjórjóga svo fátt eitt sé nefnt. Einnig mun Saga Garðarsdóttir vera með uppistand auk þess sem hún og maðurinn hennar Snorri Helgason munu vera með fjölskylduskemmtun.
„Í ár byrjar hátíðin fyrr en vanalega. Að öðru leyti er miðað við sama upplegg og vanalega, með nokkrum nýjungum eða að dustað verður af eldri hugmyndum. Í ár bregðum við út af vananum varðandi fjármögnunarferlið. Hingað til höfum við selt auglýsingar í bækling hátíðrarinnar. En til að spara prentkostnað og um leið verða umhverfisvænni ætlum við ekki að prenta bækling eins og vanalega, heldur eingöngu einblöðung með dagskránni.“ Segir Sveinbjörg Rut Pétursdóttir ein af skipuleggjendum hátíðarinnar.
Sett hefur verið upp fjármögnunarsíða á Karolinafund og einnig hefur bankareikningur Eldur í Húnaþingi verið auglýstur fyrir beinan fjárstuðning, 0159-26-004206 kt. 420605-1530.
Það er því ljóst að fólk má byrja að hlakka til sumarsins því nóg verður um að vera á Norðurlandi vestra í sumar.
/SMH
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.