Alþjóðleg rannsókn á íslenskum hestaviðburði – Ný bók um Landsmót hestamanna
Út er komin bókin Humans, Horses and Events Management, sem fjallar um hestaviðburði og samskipti manns og hests (e. human-horse relations). Bókin er gefin út af CABI Publisher og er einstök að tvennu leyti. Annars vegar er þetta fyrsta bók sinnar tegundar sem fjallar um hestaviðburði sérstaklega og hins vegar hefur hún þá sérstöðu í viðburðastjórnunarfræðum að fjalla um einn ákveðinn viðburð frá mörgum sjónarhornum.
Bókin byggir á viðamikilli rannsókn á Landsmóti hestamanna og inniheldur 17 kafla þar sem fjallað er um viðburðinn frá ólíkum sjónarhornum. Höfundar eru 19 talsins frá 5 þjóðlöndum. Í bókinni er fjallað um viðburðinn sjálfan, félagskerfi hestamennskunnar, íslenska hestinn og keppnisgreinar á Landsmóti. Fjallað er um stjórnun og stefnumótun viðburðar sem og samkeppnishæfni, markaðssetningu og staðarval. Rýnt er í með hvaða hætti hestaviðburðir hafa áhrif á ímynd svæða og landa og þær áskoranir sem felast í því að halda viðburði þar sem saman koma tvær tegundir; maður og hestur. Einnig er fjallað um upplifun gesta, sjálfboðaliða, velferð hesta sem og efnahagsleg og samfélagsleg áhrif viðburða og áhrif þeirra til lengri tíma litið. Landsmót hestamanna er borið saman við alþjóðlegan stórviðburð á sviði hestamennsku (Allteck FEI World Equestrian Games) en auk þess er einn kafli bókarinnar birtur veflægt sem heimildamynd um starf sjálfboðaliða á mótinu.
Rannsókninni sem bókin byggir á, var stýrt af Ferðamáladeild Háskólans á Hólum en ritstjórar bókarinnar eru Katherine Dashper, Guðrún Helgadóttir og Ingibjörg Sigurðardóttir. Auk ritstjóra bókarinnar eru höfundar kafla innlendir og erlendir fræðimenn á sviði ferðamálafræða, viðburðastjórnunar, hestafræða, dýralækninga, hagfræði, viðskiptafræði o.fl. auk aðila frá félags- og stoðkerfi hestamennskunnar.
Bókin fæst á vefsíðu útgefanda og víðar í prentuðu formi og sem ePDF og ePub. Í takmarkaðan tíma er hægt að fá hana á 20% afslætti með að slá inn kóðann CCAB20.
/Fréttatilkynning
Fleiri fréttir
-
Byggjum og náum niður vöxtum og verðbólgu | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 08.30Ríkisstjórnin hefur gert lítið sem ekkert til að auka framboð á húsnæði til að mæta hinni gríðarlegu eftirspurn á tímum fordæmalausrar íbúafjölgunar. Okkur hefur fjölgað um 15% frá 2017. Um 1.200 íbúðir i Grindavík hurfu vegna eldsumbrotanna á Reykjanesi. Til að ná niður verðbólgu og vöxtum er gríðarlega mikilvægt að tryggja nægt framboð á húsnæði um allt land fyrir lág- og millitekjufólk og fyrstu kaupendur.Meira -
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.