Aðeins eitt stig þrátt fyrir rútuferð
Það var sannkallaður stórleikur á Sauðárkróksvelli nú á þriðjudaginn þegar grannarnir í Fjallabyggð sóttu lið Tindastóls heim í 2. deild karla. Langt er síðan jafn margir áhorfendur hafa sótt leik á Króknum enda alltaf heilbrigður og skemmtilegur rígur á milli liðanna og ágæt stemning í nánast fullri stúku.
Liðin fóru vel af stað og Fannar Örn Kolbeinsson kom heimamönnum yfir strax á 6. mínútu en Alexander Már Þorláksson jafnaði fyrir gestina úr Fjallabyggð í næstu sókn.
Leikurinn einkenndist af mikilli baráttu en gæðin voru ekki á háu stigi. Talsverður norðanstrekkingur gerði leik-mönnum erfitt fyrir en augljóst var að hvorugt liðið ætlaði að taka mikla áhættu í leiknum. Leikmenn Tindastóls áttu nokkur hættuleg skot undan vindi í fyrri hálfleik og leikmenn KF voru skeinuhættari í síðari hálfleik en hvorugt liðið hafði erindi sem erfiði eftir líflegar upphafsmínútur. Lokatölur því 1-1 sem komu liðunum að litlu gagni en eitt stig er betra en ekki neitt eins og skáldið sagði.
Í frétt á Fótbolti.net er sagt frá því að leikmenn Tindastóls hafi farið í rútuferð fyrir leik, fram í Varmahlíð og til baka. Ástæðan er hjátrú en sökum þess að einu tveir sigurleikir Stólanna í deildinni höfðu hingað til komið eftir langar rútuferðir til Hafnar í Hornafirði og á Egilsstaði, þá þótti rétt að láta á það reyna að rútuferðirnar gerðu gæfumuninn. Ekki dugði rútan nema fyrir einu stigi að þessu sinni – kannski ekki nógu langt í Vörmuhlíð? „Rútan er líka frekar kósy, það er þéttsetið og menn verða bara nánari við svona rútuferðir," er haft eftir Óskari Smára Haraldssyni, léttum að vanda, á Fótbolti.net.
Fleiri fréttir
-
Gallup mældi Miðflokkinn stærstan í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 16.58Síðustu könnunar Gallup fyrir þingkosningarnar var beðið með nokkurri óþreyju í gær og hún birtist seint og um síðir. Alls voru það 169 manns sem svöruðu í Norðvesturkjördæmi, sem er ekki stórt hlutfall, en alls voru það 2077 sem svöruðu könnuninni á landsvísu. Niðurstaðan í NV-kjördæmi var sú að sex flokkar fá einn þingmann og síðan er spurning hver hlýtur uppbótarþingmanninn. Miðflokkurinn, sem hefur dalað nokkuð á landsvísu síðustu daga, mælist stærstur í kjördæminu með 18,6% fylgi.Meira -
Drama og dómarakonsert í dúndurleik í Síkinu
feykir.is Skagafjörður, Íþróttir, Lokað efni 30.11.2024 kl. 16.20Í gærkvöldi mættust lið Tindastóls og Álftaness í Síkinu í áttundu umferð Bónus-deildarinnar. Leikurinn varð hin mesta skemmtun en kannski full mikið drama fyrir þá sem innlifaðistir eru. Benni þjálfari Stóla og Drungilas urðu báðir að yfirgefa Síkið áður en fyrri hálfleikur var úti eftir nettan flautukonsert dómaratríósins – sem sumum þótti þó pínu falskur. Bæði lið sýndu frábæra takta en það voru heimamenn sem reyndust sleipari á svellinu, voru ákafari og lönduðu sætum sigri. Lokatölur 109-99.Meira -
Kosið til Alþingis í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 15.19Það er kosið til Alþingis í dag. Allir vegir á Norðurlandi vestra eru færir, í það minnsta sem stendur, en víða hálka. Víða er þó éljagangur eða skafrenningur. Reikna má með svipuðu veðri áfram út daginn, norðaustan 10-13 m/sek og lítils háttar snjókomu.Meira -
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.