18 mörk í tveimur leikjum á Sauðárkróksvelli í gær
Það var markaveisla á Króknum í gær en þá voru leiknir tveir leikir á Sauðárkróksvelli, stúlkurnar í meistaraflokki kvenna lutu í gras gegn toppliði Fram þar sem lokatölur urðu 1-7, og síðan var mikilvægur leikur í 3. deildinni þar sem Drangey þurfti nauðsynlega á sigri að halda en niðurstaðan í leik þeirra gegn ÍH var 5-5.
Það var vitað fyrirfram að leikur stúlknanna gegn Fram yrði talsverð brekka enda lið Fram langbest í B-riðli 1. deildar en þær höfðu fyrir leikinn unnið níu leiki og aðeins tapað einum. Þær náðu forystunni eftir 12 mínútur og í hálfleik var staðan 0-3. Gestirnir bættu við fjórum mörkum í síðari hálfleik áður en Laufey Rún Harðardóttir lagaði stöðuna fyrir Tindastól á 82. mínútu.
Tindastóll á þrjá leiki eftir, gegn Grindavík og Völsungi á útivelli en síðasti leikur sumarsins er hér heima gegn HK/Víkingi þann 26. ágúst.
Liðsmenn Drangeyjar vissu sem var að það dugði ekkert annað en sigur ef þeir ætluðu að eiga möguleika á sæti í úrslitakeppni 3. deildar. Þeir fengu hins vegar mark í andlitið strax á fyrstu mínútu gegn Hafnfirðingunum í ÍH en Guðni Þór Einarsson var snöggur að kvitta fyrir heimamenn. Hilmar Þór Karlsson kom Drangey yfir á 15. mínútu. Hilmar Þór Ástþórsson, sem gerði 4 mörk í leiknum í gær, jafnaði metin úr vítaspyrnu á 28. mínútu og staðan 2-2 í hálfleik.
Konráð Freyr Sigurðsson og Óskar Smári Haraldsson gerðu sitt hvort markið í upphafi síðari hálfleiks og staða Drangeyjar vænleg. En á 13 mínútna kafla gerðu gestirnir þrjú mörk og komust í 4-5. Fyrst klíndi Eiríkur Kúld boltanum upp í bláhornið beint úr aukaspyrnu en síðan jafnaði ÍH eftir agaleg varnarmistök. Hilmar Ástþórsson gerði síðan fjórða mark sitt, og fimmta mark ÍH, þegar hann fékk laglega sendingu inn fyrir vörn Drangeyjar og negldi boltanum á nærstöngina hjá Óla Grétari Óskarssyni í marki Drangeyjar. Heimamenn voru þó ekkert að gefast upp, leikurinn varð ansi harður og leikmenn og áhorfendur orðnir talsvert æstir. Þegar komið var fram yfir venjulegan leiktíma komst Gunnar Stefán Pétursson inn fyrir vörn ÍH og lyfti boltanum laglega yfir markmanninn og í markið og staðan jöfn, 5-5. Bæði lið reyndu að stela sigrinum en það var helst dómarinn sem stal athyglinni, sýndi Gunnari Stefáni rauða spjaldið stuttu áður en hann flautaði leikinn af.
Drangey er í fjórða sæti b-riðils með 16 stig eftir 11 leiki. ÍH er í fjórða sætinu með 20 stig og aðeins 3 umferðir eftir. Hér að neðan eru nokkrar myndir úr leiknum.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.