Útköll lögreglu og slökkviliðs vegna sorpbrennslu á aðfangadag
Lögreglan á Norðurlandi vestra, ásamt Brunavörnum á svæðinu vilja vekja athygli íbúa á því að ekki er heimilt að losa úrgang utan viðurkenndra móttökustöðva sorps. Sama á við um brennslu úrgangs.
Tilkynning þessa efnis birtist á Facebooksíðu Lögreglunnar á Norðurlandi vestra í gær:
„Af gefnu tilefni vilja lögreglustjórinn á Norðurlandi vestra, Brunavarnir Skagafjarðar, Brunavarnir Austur-Húnvetninga og Brunavarnir Húnaþings vestra koma eftirfarandi á framfæri:
Losun úrgangs utan viðurkenndrar móttökustöðvar sorps eða sorpíláta, þ.m.t. grenndargáma, er óheimil skv. lögum um meðhöndlun úrgangs nr. 55/2003. Sama á við um brennslu úrgangs utan viðurkenndra brennslustöðva. Brot gegn lögunum varða sektum eða fangelsi allt að 4 árum, sé um stórfelld eða ítrekuð brot að ræða.
Nokkuð hefur borið á tilkynningum til viðbragðsaðila vegna gruns um bruna, þar sem í ljós hefur komið að aðeins hefur verið um að ræða brennslu sorps og annars úrgangs. Sem dæmi má nefna að lögregla og Brunavarnir Skagafjarðar voru kölluð út síðdegis þann 24. desember sl. vegna slíkrar tilkynningar. Vegna útkallsins voru kallaðir til u.þ.b. 20 starfsmenn viðbragðsaðila með tilheyrandi kostnaði og fyrirhöfn, auk þess sem útkallið hafði áhrif á jólahald viðkomandi starfsmanna. Þegar tilkynningar um bruna berast lögreglu og slökkviliði er ávallt brugðist við með því að senda allan tiltækan mannskap og tæki á vettvang og er því, í tilfellum eins og því sem átti sér stað 24. desember sl., staðan sú að mikið af mannskap er kallað út til að sinna verkefni sem reynist síðan ekki vera fyrir hendi. Ábyrðin á tilhæfulausum tilkynningum er ekki á ábyrgð tilkynnenda í slíkum tilfellum þar sem það er samfélagsleg skylda okkar allra að tilkynna um neyð þar sem við teljum hana vera til staðar.
Til að komast megi hjá þeim kostnaði og fyrirhöfn sem fylgir útköllum á borð við það sem greint er frá hér að framan, og mögulega beitingu viðurlaga, vilja lögregla og slökkvilið beina þeim tilmælum til að fólks að brenna ekki sorp heldur skila því á móttökustöðvar."
Fleiri fréttir
-
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.