Tveggja metra regla
ÁR ÞÚ VEIST HVAÐ :: „Merkilegt hvað við eigum marga tuðara, sem vita allt best og hafa allt á hornum sér,“ segir Björn Jóhann Björnsson, aðstoðarfréttastjóri á Morgunblaðinu, þegar Feykir spyr hann um uppgötvun ársins. Björn Jóhann flutti fyrir margt löngu af Hólaveginum á Króknum og býr nú í Kópavogi, er naut og passar í skó í númerunum 45-46. Hann á þrjú orð yfir árið 2020 og þau eru: „Tveggja metra regla.“
Hver er maður ársins? Heilbrigðisstarfsmenn, allt frá ræstitækni spítalanna til Ölmu landlæknis og allir þar á milli, eins og Þórólfur sóttvarnalæknir, konan mín, Edda Traustadóttir, og Víðir fær að fljóta með. Ef ekki hefði verið fyrir covid þá hefði Jürgen Klopp verið maður ársins að mínu mati. Honum tókst að gera nokkuð sem forverum hans í starfi hafði ekki tekist í 30 ár. Þeir sem ekki vita hvað ég er að tala um, geta fletta upp í markaskrá Akrahrepps.
Hver var uppgötvun ársins (fyrir utan bóluefni við þú veist hvað)? Merkilegt hvað við eigum marga tuðara, sem vita allt best og hafa allt á hornum sér.
Hvað var lag ársins? Takk fyrir mig, með Ingó veðurguð.
Hvað var broslegast á árinu? Setningin frá Ísafirði: ,,Það þekkti enginn þetta Covid.”
Hvað var það sem þú sérð mest eftir að hafa ekki geta gert á árinu vegna þú veist hvað? Sé mest eftir að hafa ekki komist oftar norður að hitta fjölskyldu og vini. Það er farið að ganga á skagfirska súrefniskútinn.
Varp ársins? Heima með Helga Björns.
Matur eða snakk ársins? Take away hjá Sumac.
Hverju viltu skella á brennuna og hvers vegna? Öllum dagatölum fyrir árið 2020, út af dotlu.
Hver var helsta lexía ársins? Mikilvægi þess að njóta hverrar stundar með þínum nánustu. Eigum bara eitt líf, eftir því sem best er vitað. Einnig kom í ljós hve mikilvægt er að passa línurnar. Þær vilja reglulega riðlast.
Fleiri fréttir
-
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.