Sumaropnun Heimilisiðnaðarsafnsins
Sumarsýning Heimilisiðnaðarsafnsins Skynið fyllir vitund eftir listakonuna Björgu Eiríksdóttur var opnuð 1. júní og bar upp á fyrsta venjubundinn opnunardag safnsins.
Um er að ræða óhefðbundin útsaumsverk þar sem listakonan notar nálina og þráðinn til að túlka upplifun sína á náttúrunni og tenginguna við láð og lög.
Björg á fjölþætt nám að baki bæði innanlands og utan í myndlist og listkennslu. Hún hefur tekið þátt í fjölda samsýninga og er þetta fimmtánda einkasýning hennar. Björg var valin bæjarlistamaður Akureyrar árið 2018.
Við opnunina sungu og spiluðu vinkonurnar Inga Rós Suska Hauksdóttir og Sóley Sif Jónsdóttir og ljáðu athöfninni ljúfan blæ með tónum sínum.
Í ávarpsorðum Elínar forstöðukonu kom fram, hve tilkoma hins nýja safnhúss sem vígt var vorið 2003 hefði opnað miklar nýjar víddir um gott aðgengi gesta að safninu og munum þess sem og allri starfsemi þess. Safnið starfar í samræmi við safnalög og er viðurkennt af Safnaráði, en til að hljóta slíka viðurkenningu þarf safn að uppfylla fjölmörg skilyrði bæði um sjálfstæði, eignarhald og ábyrgð í rekstri, auk þess að standast sérstakar úttektir. Þá lét hún þess getið að fyrir utan hið hefðbundna safnastarf færu fram í safninu ýmsir viðburðir s.s. stofutónleikar, málstofur, fyrirlestrar, námskeið, upplestur á aðventu fyrir utan sérstakar heimsóknir nemenda frá grunnskólaaldri til fullorðinsára, innlendra og erlendra. Algengt væri að fólk sækti sér heimildir í safnmuni vegna rannsóknaverkefna og ritgerða allt til doktorsprófs.
Elín vakti athygli á að margar bækur hefðu verið ritaðar og þýddar á ýmiss tungumál sem byggja að hluta til eða að öllu leiti á safnmununum. Vinna við varðveislu, forvörslu og skráningu safngripa væri hluti af innra starfi safnsins sem og umfangsmikil rannsóknavinna sem sérstaklega hefur verið unnið að núna síðustu árin og er hið nauðsynlega en ósýnilega í starfsemi safnsins.
Einnig vék Elín í stuttu máli að reglulegu viðhaldi safnhússins sem reynt hefur verið að sinna eftir því sem fjárráð hafa leyft og hefur náðst að gera við þökin á sýningarsölum safnsins.
Elín lagði síðan áherslu á hve sérsýningar safnsins hafi vakið mikla athygli allt frá því að safnhúsið var vígt. Þessi hugmynd að bjóða textíllistafólki á Íslandi að setja upp sýningu á hverju vori hefði í raun slegið í gegn og skapaði tilefni til að heimsækja safnið árlega. Allar sýningarnar hefðu verið mjög ólíkar frá ári til árs en eiga það þó sameiginlegt að gefa innsýn í fjölbreytta lisköpun og handmennt á Íslandi.
Ágætis aðsókn var á opnunina og mjög ánægjulegt hve héraðsbúar taka ævinlega vel á móti listafólki sem heimsækir safnið.
Eftir opnunina var boðið upp á kaffi og kleinur og áttu viðstaddir notalega stund í kaffirými safnsins.
Myndirnar voru allar teknar af Daníel Orra Gunnarssyni.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.