Selma lýsti hvernig tekist hefði verið á við smit í skóla í Skagafirði
Alls greindust 1.488 smit innanlands í gær og hefur aðeins einu sinni áður greinst fleiri smit á einum sólarhring frá því að Covid-faraldurinn blossaði upp fyrir tæpum tveimur árum. Nú eru um 6% þjóðarinnar ýmist í einangrun eða sóttkví en góðu fréttirnar eru þær að þrátt fyrir fjölmörg smit dregur úr fjölda þeirra sem þurfa að leggjast inn á sjúkrahús vegna veirunnar en fram kom í máli Þórólfs sóttvarnalæknis að hann vilji nú milda aðgerðir en þó án þess að taka áhættu.
Í gær voru 33 á sjúkrahúsi og þrír á gjörgæslu en þetta eru töluvert lægri tölur en jafnvel bjartsýnustu spár gerðu ráð fyrir og er nú alvarlega farið að tala um að stytta tíma smitaðra í einangrun og sömuleiðis þeirra sem eru í sóttkví.
Samkvæmt tölfræði á Covid.is eru nú 70 manns í einangrun á Norðurlandi vestra og 85 í sóttkví sem er nokkur aukning frá því deginum áður þegar aðgerðateymi almannavarna á Norðurlandi vestra birti töflu varðandi smit innan svæðisins. Þar mátti sjá að tæplega 60% smitaðra voru til heimilis á Sauðárkróki eða 33 og sjö til viðbótar í póstnúmeri 551 en heildartala smitaðra á Norðurlandi vestra var 58 í gærmorgun. Á Skagaströnd voru níu smitaðir.
Selma Barðdal Reynisdóttir, fræðslustjóri í Skagafirði og fulltrúi í vöktunarteymi barnamálaráðherra um skólastarf og sóttvarnaráðstafanir, var með þeim Víði og Þórólfi á upplýsingafundi almannavarna í morgun. Í frétt á Rúv.is segir að Selma hafi lýst stöðunni í skólum sem væru að glíma við faraldurinn og gera sitt besta til að halda daglegri rútínu fyrir börnin eins og hægt væri. Þá lýsti hún því hvernig tekist hefði verið á við smit í skóla í Skagafirði, þar hefðu yngstu börnin smitast og verið send í sóttkví í stað smitgátar. „Þetta var auðvitað erfitt en þetta tók um viku.“ Selma sagði á fundinum að allt annað ástand ríkti í Reykjavík og fleiri stórum sveitarfélögum en þeim minni.
Í frétt Rúv.is er stiklað á stóru í málflutningi Þórólfs Guðnasonar sóttvarnalæknis en einnig er hægt er að kíkja á upptöku af fundinum hér >
Fleiri fréttir
-
Gallup mældi Miðflokkinn stærstan í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 16.58Síðustu könnunar Gallup fyrir þingkosningarnar var beðið með nokkurri óþreyju í gær og hún birtist seint og um síðir. Alls voru það 169 manns sem svöruðu í Norðvesturkjördæmi, sem er ekki stórt hlutfall, en alls voru það 2077 sem svöruðu könnuninni á landsvísu. Niðurstaðan í NV-kjördæmi var sú að sex flokkar fá einn þingmann og síðan er spurning hver hlýtur uppbótarþingmanninn. Miðflokkurinn, sem hefur dalað nokkuð á landsvísu síðustu daga, mælist stærstur í kjördæminu með 18,6% fylgi.Meira -
Drama og dómarakonsert í dúndurleik í Síkinu
feykir.is Skagafjörður, Íþróttir, Lokað efni 30.11.2024 kl. 16.20Í gærkvöldi mættust lið Tindastóls og Álftaness í Síkinu í áttundu umferð Bónus-deildarinnar. Leikurinn varð hin mesta skemmtun en kannski full mikið drama fyrir þá sem innlifaðistir eru. Benni þjálfari Stóla og Drungilas urðu báðir að yfirgefa Síkið áður en fyrri hálfleikur var úti eftir nettan flautukonsert dómaratríósins – sem sumum þótti þó pínu falskur. Bæði lið sýndu frábæra takta en það voru heimamenn sem reyndust sleipari á svellinu, voru ákafari og lönduðu sætum sigri. Lokatölur 109-99.Meira -
Kosið til Alþingis í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 15.19Það er kosið til Alþingis í dag. Allir vegir á Norðurlandi vestra eru færir, í það minnsta sem stendur, en víða hálka. Víða er þó éljagangur eða skafrenningur. Reikna má með svipuðu veðri áfram út daginn, norðaustan 10-13 m/sek og lítils háttar snjókomu.Meira -
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.