Lagning ljósleiðara milli Hveravalla og Blöndudals
Sigurður Ingi Jóhannsson, samgöngu- og sveitarstjórnarráðherra, staðfesti 12. júní síðastliðinn samning við Neyðarlínuna um lagningu ljósleiðara milli Hveravalla og Blöndudals. Að því verkefni loknu kemst á önnur ljósleiðaratenging milli Suðurlands og Norðurlands um hálendið, sem bætir bæði öryggi og afkastagetu fjarskipta á leið strengsins sem og grunnkerfis fjarskipta hér á landi. Sagt er frá þessu á vef Stjórnarráðsins.
Þetta verkefni kemur í kjölfar lagningar ljósleiðara, milli Suðurlands og Hveravalla með útstigi til Kerlingafjalla, samhliða rafstreng sem leysir af hólmi dísilvélar sem rekstraraðilar á svæðinu hafa hingað til reitt sig á. Verklok voru kynnt í Myrkholti í Bláskógabyggð í vikunni þar sem Katrín Jakobsdóttir, forsætisráðherra ávarpaði ráðstefnuna ásamt Sigurði Inga Jóhannssyni, samgöngu- og sveitarstjórnarráðherra.
Sigurður Ingi sagði: „Mikilvægt er að tryggja örugg fjarskipti allt árið um kring, á fjölförnum leiðum um hálendi Íslands. Stórt skref var stigið þegar lokið var við að leggja ljósleiðara milli Bláfellsháls og Hveravalla með útstigi til Kerlingarfjalla. Með ljósleiðara milli Hveravalla og Blöndudals verður komið á samfellt fjarskiptasamsamband um Kjöl. Þessi nýi ljósleiðarastrengur hefur þegar umbylt bæði aðgengi og öryggi fjarskipta á þessari leið. Þá hefur risastórt skref verið stigið varðandi endurnýjanlega orkugjafa á Kili og þar með heyra olíuflutningar til hálendismiðstöðva á svæðinu sögunni til.“
Heildarverkefnið er uppfærsla bæði fjarskipta-og raforkuinnviða með framlagi og aðkomu margra aðila og er afbragðs dæmi um vel heppnaða samvinnuleið í innviðamálum. Verkefnið er samvinnuverkefni Bláskógabyggðar, Hrunamannahrepps, Húnavatnshrepps auk Neyðarlínunnar, Fjarskiptasjóðs, Rarik og ferðaþjónustufyrirtækja í Árbúðum, Kerlingafjöllum og Hveravöllum.
Samningurinn sem ráðherra staðfesti er á grundvelli fjárfestingaátaks ríkisstjórnarinnar og hljóðar upp á 40 m.kr. en áður hafði Fjarskiptasjóður f.h. samgöngu- og sveitarstjórnarráðuneytisins samþykkt á fundi 17. maí 2019 að styrkja þetta verkefni um 35 m.kr. með hliðsjón af ákvörðun ríkisstjórnarinnar um að styrkja fjarskipta- og raforkuinnviði á Kili.
/SHV
Fleiri fréttir
-
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.