Gamli góði gleðigjafinn
ÁR ÞÚ VEIST HVAÐ :: „Það skemmtilegasta, sem kemur upp í huga minn þegar ég lít til baka á árið, eru uppákomur Eika Hilmis, sem hann deildi með samferðafólki sínu á Facebook,“ segir Ingi Jónasson þegar hann er inntur eftir því hvað hafi verið broslegast á árinu. Ingi, kannski best þekktur sem Ingi Vaff hér heima, er gamall Feykispenni en stendur nú við stýrið hjá hugbúnaðarfyrirtækinu Aptic og gerir út frá Skövde í Svíaríki. Hann er hrútur, notar skóbúnað í númerinu 45 og segist hafa lært margt nýtt á árinu sem er að líða.
Hver er maður ársins? Ætli ég segi ekki Biden og Harris, sem vekja von um að vitleysan í veröldinni verði aðeins minni næstu árin.
Hver var uppgötvun ársins (fyrir utan bóluefni við þú veist hvað)? Allt það sem venjulegt fólk hefur fundið uppá til að fyrirvaralaust takast á við algerlega nýjar áskoranir og leysa málin þegar við stöndum frammi fyrir áskorunum.
Hvað var lag ársins? Stórt er spurt og enn minna um svör. Hef að undanförnu verið að hlusta á finnsku sveitina Nightwish sem hafði farið framhjá mér fram að þessu.
Hvað var broslegast á árinu? Veit ekki hvort broslegt er rétta orðið en það skemmtilegasta, sem kemur upp í huga minn þegar ég lít til baka á árið eru uppákomur Eika Hilmis, sem hann deildi með samferðafólki sínu á Facebook. Þessi gamli góði gleðigjafi og snillingur er svo léttur þegar hann tekur skagfirskan svalasöng með tilþrifum og spilar síðan víða á ferð sinni um landið. Stundum er hann í félagsskap góðra manna sem eiga framættir að rekja til Ögmundarstaða, sem setur gullkant á giggin. Takk fyrir að lífga uppá tillveruna.
Hvað var það sem þú sérð mest eftir að hafa ekki geta gert á árinu vegna þú veist hvað? Það er kanski einna helst að geta ekki farið í þau ferðalög sem mig lystir. Á móti kemur að ég hef sloppið við þetta eilífa skrölt til Stokkhólms og Oslóar, sem er búið að vera hluti af tilverunni til margra ára. Miklu betra að sitja heima í Microsoft Teams og taka fundina þar.
Varp ársins? Frjálsar hendur eru fyrir mér hlaðvarp ársins á hverju ári. Illugi er mikill sagnaþulur og skemmtilegur að hlusta á.
Matur eða snakk ársins? Libanesiskt Meze.
Hverju viltu skella á brennuna og hvers vegna? Ætli það sé ekki viss veira, sem maður vildi sjá brenna upp til agna.
Hver var helsta lexía ársins? Hvað fólk er fljótt að leysa ný vandamál en að sumir eru fljótir að gleyma og virðast seint læra af reynslunni.
Fleiri fréttir
-
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.