Feykir kominn í rafrænt form
Rafrænn Feykir er nú fáanlegur í áskrift á netinu og hægt að velja um þrjár áskriftir. Í fyrsta lagi áskrift að prentútgáfunni, sem einnig gefur aðgang að rafrænum Feyki og öllum læstum fréttum á Feyki.is, í öðru lagi aðgang að rafrænum Feyki og öllum læstum fréttum á Feyki.is og loks rafrænn aðgangur að nýjasta tbl. Feykis og læstum fréttum í viku inni á Feyki.is.
Þetta er gert til að auka þjónustuna við áskrifendur og lesendur Feykis sem nú geta nálgast blaðið snemma á útgáfudegi. Búast má við að stærri greinar og þættir sem birtast í blaðinu verði læstar á forsíðu Feykis.is en aðgengilegar þeim sem hafa skráð sig í einhverra hinna þriggja áskriftaleiða sem að framan greinir.
Svona munu læstar fréttir birtast þeim sem ekki eru í áskrift.
Inngangurinn verður hverjum aðgengilegur
en annað einungis áskrifendum.
Hingað til hefur það verið undir duttlungum blaðamanna komið hvort viðtöl eða þættir birtist á netinu og þá hvenær. Hefur meginreglan verið sú að greinar, sem nokkur vinna liggur að baki, birtist ekki fyrr en í fyrsta lagi eftir að áskrifendur hafi fengið blaðið í hendur, enda þeir sem borga blaðamönnum launin.
Það er von Feykis að þessi nýbreytni mælist vel fyrir hjá lesendum nær og fjær og verði jafnvel til þess að fjölgi í áskrifendahópnum.
HÉR er hægt að gerast áskrifandi. Rétt er að árétta að áður en nokkuð er gert þarf að STOFNA AÐGANG.
Fleiri fréttir
-
Veðrið á kjördag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 12.12Framan af vikunni voru talsverðar áhyggjur af kosningaveðrinu enda gerðu spár ráð fyrir mögulegu óveðri. Norðurland vestra virðist ætla að sleppa nokkuð vel frá veðrinu en verst verður það væntanlega á austanverðu landinu þar sem vindur og úrkoma verða mest. Þannig er spáð skaplegu veðri í Skagafirði á morgun, heldur hvassara í Húnavatnssýslum en alla jafna er aðeins gert ráð fyrir lítils háttar snjókomu á Norðurlandi vestra.Meira -
Spenntir nemendur Höfðaskóla tóku viðtal við Herra Hnetusmjör
feykir.is Austur-Húnavatnssýsla, Mannlíf, Lokað efni 29.11.2024 kl. 12.11Nemendur í valgreininni skólablað í Höfðaskóla á Skagastrond eru að leggja lokahönd á blaðið sem á að koma út fyrir jólin eða svo segir í frétt á vefsíðu skólans. Í blaðinu verða ýmis viðtöl og var stóri draumurinn að fá að taka viðtal við Herra Hnetusmjör sem flestir, ef ekki allir lesendur Feykis, ættu að hafa heyrt um, enda kappinn einn alvinsælasti tónlistarmaður landsins og fer nú á kostum með félögum sínum í IceGuys.Meira -
Ykkar fulltrúar | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 10.53Kjördagur er á morgun og lokasprettur í kosningabaráttunni er hafinn. Við frambjóðendur Samfylkingarinnar í Norðvestur höfum verið á ferð og flugi um kjördæmið, fengið að kynnast fjölmörgum íbúum og fyrirtækjum í bland við gamla kunningja. Fyrir hönd okkar vil ég þakka öllum sem hafið tekið á móti okkur, boðið okkur spjall, nestað okkur með góðum hugmyndum og leyft okkur að heyra um áskoranir í daglegu lífi. Þessi samtöl gefa okkur kjark og orku að berjast fyrir hagsmunum kjördæmisins.Meira -
Rökkurganga í Glaumbæ 1. desember
feykir.is Skagafjörður, Listir og menning, Lokað efni 29.11.2024 kl. 10.21Starfsfólk Byggðasafns Skagfirðinga skellir sér í sauðskinnsskóna – eða kuldaskóna – á sunnudaginn 1. desember og býður gestum að njóta samveru í rökkrinu í gamla bænum í Glaumbæ. „Andrúmsloftið í bænum verður eins og við jólaundirbúning um 1900,“ segir í tilkynningu frá safninu.Meira -
Við þorum að taka ákvarðanir | Gunnar Bragi Sveinsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 09.41Kjördæmið okkar hefur verið afskipt um of langan tíma um leið og tækifærin eru um allt. Við þurfum að fá að nýta þessi tækifæri og fá til þess stuðning þar sem við á.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.